FFx被網民炮轟認衰：舞步唔齊

女子跳舞組合FFx出席活動時透露成員Shirley日前行Show時暈倒休克，曾入院留醫，但剛出院就立即開工，十分搏命！問為何暈倒？她解釋是近日操練過度所致：「我哋要返學又要排舞唱歌出席活動，已經冇時間，仲要準備嚟緊嘅Mini Concert，5月份，更加要加操，自己一時壓力太大先會暈，好在有Mizaki、Ceci同經理人在場，當時仲有一位化妝師本身係護士，照顧得好好，感謝！」而小型演唱會將會演出兩個小時，有跳有唱仲有話劇同行Catwalk。

四女表示近日有留意網上有人批評FFx，知道組合的不足之處，會當反面教材，努力改善。問被最多責罵的是甚麼，她們說：「鬧得最多係舞步唔夠齊，會更加勤力練習。」