盧巧音病愈後學會珍惜想生B

藝人盧巧音（Candy）為保健節目《嚴浩女人偏方》擔任嘉賓並接受嚴浩和廖碧兒（Bernice）的訪問，Candy表示當年剛完成專上學院課程後不久即發現甲狀腺素分泌過高問題，而且經常受失眠、手震等症狀困擾，她說：「甲狀腺素分泌過高會令人一日食五餐都唔肥，仲要脾氣好差！嗰時我仲痛到無辦法擘大個口，最後搵醫生先發現自己有個咁嘅病。」而她加入娛樂圈後又不幸再次發病，更出現脫髮問題，令她陷入困境，她表示在2001年病發：「嗰時咁啱拍緊兩、三部戲，最辛苦係今次頭髮甩晒，連眼眉毛都冇埋！我估當時好多劇組人員都知道我係帶假髮做戲，好彩大家都對我好好，冇將我嘅情況講出去。」

而Candy戰勝甲狀腺問題後不久又患上腦炎，她表示有日突然不能控制自己對眼：「對眼球郁唔到！呢個病通常係50、60歲，上咗年紀嘅人先會有，對我打擊好大，當時出席頒獎禮，啲記者好似唔信我有病，不斷用閃光燈影我，真係閃到眼痛！」

經歷了種種人生考驗的Candy表示學會珍惜眼前擁有的東西，養成每天早睡習慣，多煲湯、多吃新鮮食材及蔬果汁，並保持輕鬆愉快的心情。被問到現今婚後可會考慮生育，Candy表示已有計劃及安排：「我想生BB，但都係隨緣啦！依家調理身體唔止係為咗生育，身體健康都好重要！」