金像獎:張家輝封帝 開心到清唱

20140413
東網電視
更多新聞短片
張家輝興奮得手舞足蹈!

楊千嬅上台頒發最佳男主角殊榮。千嬅表示很希望古仔攞獎:「大家都見到佢咁多年嘅努力 ,好希望佢用酷樣攞獎。」古仔聞言即搖頭,千嬅即反問謂:「係咩?真係唔會(攞)?」千嬅又指自己初入電影圈即與家輝合作:「真係唔好意思,成日搞到佢要借視線。好尊重你(家輝), 因為人魚線真係好難練。」千嬅又指自己好驚張,並問可否攬影帝,因為她老公今日身處上海。

當宣布張家輝憑《激戰》得獎時,他大感興奮,並先後攬過古天樂、梁朝偉、黃秋生及林超賢等才上台。家輝上台後即與千嬅來個深情擁抱,他先搞笑謂:「買咗幾多錢?」之後才正色道:「其實我個人係比較傷感啲,頭先我睇咗條關於電影從業員的片,我都諗緊我自己,啲相全部係黑白,我覺得好凍,我第時可否要張彩色?喺在座每一位都係我嘅好朋友,真係好朋友,唔係背後講到死嗰啲。」

他續說:「而在座好多電影工作者坐喺度,好多喺我未拍戲都已經喺度。我記得第一次去睇戲,當時我十歲、八歲,嗰時我睇緊《教父》,我不知不覺畀電影食咗我。當然都睇咗好多香港電影,好多電影人,無論新定舊,都係你哋令我對電影好着迷,喺呢度多謝所有電影工作人。」

講得異常興奮的家輝,之後叫現場觀眾幫手打拍子,然後大唱《THE SOUND OF SILENCE》。之後家輝忍不住笑,並拿着獎座作打拳狀,表現極之亢奮。