陳友爆祈禱神迹 太太肝癌變多發性骨髓瘤

20140415
東網電視
更多新聞短片
陳友直認當太太被診斷為肝癌入骨時,是自己的人生低潮。

藝人陳友睌上出席電影《真的有天堂》首映時,大談太太於去年五月患病時的神迹。他透露當時與太太從美國返港,因坐長途機感疲累走去推拿,結果太太的肋骨及盤骨被推斷,陳友驚覺太太的骨竟如「威化餅」般脆弱,於是帶太太看醫生,竟發現太太肝癌已入骨,而當時醫生表示其太太只剩幾個月命。

陳友坦言該個是他人生低潮,跑了十日也尋求不到解決辦法。當時好友蔣麗萍提議他祈禱:「我一生人第一次好虔誠咁祈禱,我話日後叫我做乜都好,請求神饒恕我,畀返太太同時間我。結果第二日醫生話唔係呢個病,係骨髓有啲嘢變異,佢哋有哂方法,好快搞掂咗。原來太太係多發性骨髓瘤,有啲細胞喺骨髓度侵蝕咗啲鈣質,依家佢已經好番晒。」陳友表示自此便成為基督徒,並謂感覺做人輕鬆得多。

問到有否獲邀拍戲?他透露其公司將開多幾間合資公司,又謂正在籌備多個劇本,之後會以投資港產片為主。問會否搵自己做演員?陳友笑謂:「梗係好啦,我哋有投資委員會,如果通過就梗係拍啦,做演員係最舒服㗎。(會搵麥浚龍拍?)我哋有傾合作。」

讚張晉實至名歸

提到失落「最佳男配角」,他直言聽到張晉的一番說話,被對方及對方太太蔡少芬的愛感動,認為張晉比自己更需要攞獎:「我已經好得,有得提名好開心,佢得獎係實至名歸,同埋佢好需要攞呢個獎。(搵佢拍戲?)唔排除㗎,佢做得咁好。」