張晉搞慶功宴　蔡少芬：淚水歡笑令我回味再回味

出爐金像獎「最佳男配角」張晉終於得閒同一家大細、圈中好友齊齊搞慶功宴，當然唔少得狂影相紀念開心一刻啦！好友們仲訂製卡通版嘅張晉蛋糕，照足張晉喺電影《一代宗師》入面嘅造型而成，相當有心思！老婆蔡少芬亦玩得非常盡興，並喺微博分享喜悅嘅心情：「今晚。。過了一個極美麗極快樂的一晚。。淚水、歡笑、咀咀。。。令我回味再回味！人生有家人，有朋友，有愛，我想說，感謝主！一切，也出於主！除了感恩，亦只有感恩！哈利路亞！」好友陳法蓉亦有現身為張晉送上祝福，更高呼「我愛張家」，張晉即回應：「張家也愛你，馬三蛋糕」，果然老友鬼鬼！