姚子羚搵男友要似黃浩然

姚子羚在無綫新劇《愛我請留言》中與黃浩然飾演一對，身為後母的她背負壓力患上抑鬱，最後與黃浩然分手收場，她說：「角色都好多內心戲，好多傷心崩潰場面，最難係要有場戲表面扮若無其事，最後要係廁所匿埋喊，抑壓情緒得好辛苦，加上拍攝時屋企隻狗仔又離開咗，令到嗰排啲情緒都保持係好低嘅位置。」

科技發達令情侶少見面靠WhatsApp溝通，令關係變得疏離，姚子羚說：「有啲人講笑話，依家分手都用WhatsApp，因為大家都慣咗唔會面對面講，用文字唔係唔好，但科技太發達，訊息傳得太快反而冇咗份期待，少咗份感情，愛係要講出口。」

姚子羚被問到另一半可有着落？她說：「自己都想搵個男朋友，身邊嘅朋友都已經有小朋友，但呢啲都冇得急嘅，唔會為生而生，浩然呢類型都係好選擇，佢係好爸爸、又錫老婆，希望搵到好似浩然呢啲好男人。」