岑麗香操Fit迎戰江若琳

由錢國偉（Wilson）執導、黃永峰監製的新片《辣警霸王花》進行搏擊訓練，主演的岑麗香、梁琤、蔡潔及新人崔碧珈齊集練拳，眾人均打得有板有眼！

Wilson透露江若琳將有份參演飾演女飛虎，不怕對方正與其公司出現合約糾紛，最快下星期可加入操練：「我哋照正手續簽約，佢經理人同本人都話冇問題，相信佢唔會錯過好角色。（怕陳靜甩底事件重演？）兩個人唔同！而且今次有事都冇咁傷，有好多女仔可以調配。」

樣貌甜美的香香練拳時狠勁十足，她表示知道江若琳拍戲落力，因此要操Fit「迎戰」：「聽聞佢好勤奮！我都要操得更努力！我想肌肉練得Firm啲！（打贏佢？）咁又唔係，我哋同一Team嘅！」