陳慧嫻自爆與區丁玉分手內幕

歌手陳慧嫻（Priscilla）亮相有線電視接受《星級會客室》節目訪問，正積極備戰入行三十年演唱會的Priscilla，回首幾段難忘舊情，包括與唱片監製區丁玉相戀經過：「佢好就我，當我女咁錫，我好享受，佢唔止錫我，仲好縱我。唔止係好監製，畀到好多好歌我，感情上又畀我依賴，直頭係寵壞咗我。」

Priscilla自認「跟得女友」，她說：「我日日跟實區丁玉，佢幫張學友錄音時我又跟住，我生命全部重心都圍繞住佢，佢當時直頭係我每日起身嘅動力。」

雖然愛得甜蜜，但Priscilla也經歷家庭壓力：「因為我好細個入娛樂圈，屋企驚我學壞，媽咪話如果我拍拖，佢會捏死我，所以初頭好驚媽咪知道，好彩區丁玉好得婆婆歡心，媽咪先唔反對。」

Priscilla與區丁玉拍拖六年，最終因Priscilla赴美國讀書感情才畫上句號，她說：「可能佢都好唔捨得我，但佢知道我好聽父母話，所以無留我，只係發咗一次脾氣：『成日都話爸爸媽媽想你點，你又冇諗過自己想點？』我唔識答佢，最終都去咗讀書，好自然就分手。」

Priscilla幾年前與男友謝醫生分手，被指情緒失控，她淡然回應：「我好愛自己，絕對唔會自殘。（對感情有咩期盼？）呢段時間係我首次單身，之前感情一段接一段，依家我好獨立，習慣咗唔需要依賴男朋友，依家睇吓個天點安排，我唔會出街搵，睇吓會唔會有人送上門，哈哈！」