傅嘉莉後悔浪費紙巾 以身作則響應環保

20140504
東網電視
更多新聞短片
傅嘉莉自知以前浪費很多紙巾,現在開始以身作則支持環保。
傅嘉莉(Kelly)以植樹大使身份出席活動,同行還有她的一班同門師弟妹。Kelly表示小時候十分浪費紙巾,擔任植樹大使可以彌補一下。她說:「屋企人話我係紙巾怪,我咩都用紙巾抹,我個人有少少潔癖,少少嘢都用紙巾抹,每日都用好多,又唔用毛巾。仲試過用紙巾圍住自己嚟扮木乃伊。到我十零歲時先開始意識到唔可以咁樣浪費紙巾,依家會用多啲毛巾,同埋將啲紙巾分開一半分兩次用。」
Kelly謂她之前曾在日本住了半年,當地人的環保意識很強,她也學會了垃圾分類,她說:「依家自己屋企有3個垃圾桶用嚟分類,同埋我會拎啲玻璃、報紙去回收,有時啲玻璃樽都會循環再用,好似我跑步就會自己帶玻璃樽裝檸檬水飲。唔用嘅電器都會熄咗去。」她希望呼籲更多人支持及響應環保。