蔡少芬掌財　張晉叫唔好死：搞埋啲投資先

藝人蔡少芬（Ada）為投資公司開業擔任剪綵嘉賓，以白色tube dress上陣的她自稱「投資成功」搵到好老公張晉。問到她是否家中的財政大臣？她自爆掌握財政大權：「因為老公唔鍾意投資（老公唔過問你點投資？）係，就係咁先激死，我會主動話佢知做咗咩投資，佢就淨係問我祈咗禱未，如果祈咗就ok。」

Ada又笑稱老公「唔准佢死」，全因要她分配資金：「我睇澳洲有段新聞話父母有意外後，仔女要去孤兒院。我成日要坐飛機，我就同老公講定資金點分配。點知佢話『你唔好死住，要搞埋啲資金投資先！』（投資有斬獲？）試過賺幾個double，我見好就會收，不過洪欣就試過走唔切。」

談到曾共演內地劇集的孫儷疑「超生」，她稱唔會過問對方家事：「我唔清楚，人唔會問唔值得過問的事。最緊要佢哋母女平安（有見過B女？）冇時間探（睇過相？）都冇，但一定靚啦！睇我同我老公出啲貨就知！」