羅孝勇同林欣彤只係好朋友

羅孝勇到電台宣傳第一首派台歌《your love》，新曲講及一個男生沒有目標和動力，直到終於遇上True love找回動力，問到羅孝勇找到自己的True love未？他直說：「自己未遇到。（要有女友先有目標？）唔係，但一個人有伴侶會係開心同有動力。」

問到前緋聞女友林欣彤（Mag）未能為自己帶來動力？羅孝勇表示Mag有聽他的新歌和給意見，又言：「Mag一直都係好朋友嚟。（咁一齊買餸嗰個呢？）佢係朋友嚟，不過將來就唔知。（夾唔夾？）同人做朋友點都要夾嘅。」至於發展機會？他又言暫時會先專注於工作音樂。