姚嘉妮四代同堂過母親節

藝人姚嘉妮（嘉嘉）今日到深水埗一間幼稚園擔任活動嘉賓，老公林祖輝亦到場支持老婆。問明天母親節怎樣過？她就指子女年紀細，仲未享受到母親節，但亦有節目：「我仲有媽咪同婆婆，聽日會四代同堂去飲茶。」而昨日囡囡學校有母親節派對，嘉嘉就帶同仔仔一起參與。派對裏亦有各式Counter，有幫媽媽搽指甲油及有整紋身貼紙等，她說：「但跟住原來全部係調番轉媽咪幫啲小朋友髹指甲啦，連啲男仔都髹！」非常搞笑。

嘉嘉亦指好珍惜現在仍能四代同堂：「四代同堂嘅感覺令我好開心囉！我婆婆就大細路咁樣，同孫仔一齊玩個感覺好得意！」問老公會否代仔女送禮？她就指經常都是這樣：「其實佢都好細心，每逢情人節、母親節，佢就唔單止送畀我，好似啱啱過咗嘅情人節佢就送畀阿媽、送畀個女、送埋畀我。一起身就見到三束花喺屋企。」而母親節老公都能兼顧所有家人，認真唔話得。問想收甚麼禮物？嘉嘉就不奢望甚麼禮物：「希望媽咪、婆婆身體健康，因為我覺得呢樣先係無價。」又指禮物時常會送，不局限於某節日。