張晉母親節公然攬「女」

藝人張晉和蔡少芬（Ada）夫妻今日除了慶祝母親節外，更要為5月11日生日的大女張楚兒（湯圓）慶祝3歲生日，阿晉在微博上載了攬住湯圓在主題樂園切生日蛋糕的照片，並興奮留言話：「湯圓今天3歲了！」不過張相就未見Ada，相信是由Ada操刀拍攝。

阿晉接受電話電話訪問時，透露一家四口在主題樂園酒店住了一晚之餘，亦送了玩具給湯圓：「佢好鍾意《魔髮奇緣》個公主，買咗好多畀佢！（細妹會唔會呷醋？）佢先1歲未識，耐啲就會識，但係佢好鍾意BB，係樂園見到好多BB，佢會走過去叫人『BB，BB』咁！」阿晉又笑言兩個女女好「大隻」：「佢哋兩個都好高、好大隻，細嗰個啲衫全部都好緊！」

錫到女女燶的阿晉，同時亦是滿分老公，在母親節亦沒有忘記老婆，問到母親節送了什麼給Ada，他冧爆謂：「送自己啦！有送（禮物）嘅，佢鍾意嘅嘢就得！」