美國捱病開騷　馬浚偉感謝朋友歌迷關心

藝員馬浚偉應美國大西洋城凱撒賭場邀請，擔任母親節節目表演嘉賓，豈料他起程前一晚胃痛及腹瀉，上機前都沒有好好睡過，上機後他亦不敢進食，只有飲水。抵達酒店後情況亦沒有好轉，初時連飲一啖水都肚瀉，惟有靠飲維他命水補充營養，經過幾日的折騰令馬浚偉消瘦得面頰凹陷，而他連日來也不斷祈禱，更感謝朋友與歌迷為他的健康祈禱、鼓勵及關心。

其後馬浚偉捱病開騷，狀態明顯比平日差，但觀眾反應熱烈令他大感欣慰，他說：「過去有好多次胃痛經驗，但未試過今次咁嚴重，近期身體狀況多次響起警號，朋友不斷提醒我千萬要小心身體，只不過工作忙碌又疏忽，依家體會到健康先係財富。」

演出完成後，馬浚偉病況開始好轉，他亦趁機在大西洋城多留幾日到處逛，買了多件T恤及帽子，最開心是遇到心愛的「賤熊」，他瘋狂買公仔之外，更買了一粒像頭一般大的賤熊啫喱糖！