台灣喜事多　鄭元暢結婚了？

台灣娛樂圈呢排真係喜事多多，繼大S舊愛藍正龍同藝人郭彥甫相繼結婚後，連鄭元暢都爆出結婚照，新娘竟然係張鈞甯？鄭元暢喺Instagram上載同張鈞甯嘅婚紗照，幸福留言話：「我們被台灣的太陽照的也很亮！」

不過各位粉絲唔使震驚住，其實鄭元暢只係拍劇啫！呢套電視劇就係鄭元暢服完兵役後嘅首部作品《你照亮我星球》，劇中同張鈞甯飾演明星級情侶，仲被譽為對抗韓流嘅誠意之作！有粉絲見到佢哋嘅婚紗禮服造型劇照，話以為佢哋真係結婚：「Oh my god！我以為你倆結婚！」不過心水清嘅粉絲就知咩事，留言力撐鄭元暢話一定會支持睇佢嘅新劇！