六魔女夜訪墳場　仙樂都畀鬼跟

o靚模仙樂都、Susan（蘇珊）、Ruby（黃紫桐）、Creamy（傅蘊盈）、Carmen（陳嘉嘉）及Katie（許芯悅），為有線節目《怪談．6魔女》到猛鬼之地探靈。仙樂都分享其「開心」經歷：「之前去墳場同靈體影相，懷疑自己惹到隻鬼，返到屋企成日疑神疑鬼，沖凉都覺得有黑影。後來公司請師傅嚟幫我驅鬼，點知佢話隻鬼唔係墳場嚟，係一直都跟住我，好在自己感覺唔到，依家感覺輕咗、精神咗。」

Susan憶述在羈留室與亡魂「開飯」卻險遭酷刑致死的越南人斬：「我見到個『實體』男人持刀走埋嚟，我驚佢捅我就即刻合埋眼嗌，又丟佛珠、飯盒，好驚險，事後發現錄影機錄唔到，但我出番嚟又自動開番。」開耳跟靈體對話的Ruby說：「我喺警局聽到把男人聲話『我好想走，好驚』，嗰刻心諗我仲驚。」細膽的Katie鬼上身，更出手打導演、工作人員。Creamy則在小白鷺某蝙蝠房中，念經超度亡魂時被「鬼掩口」，令她失控崩潰兼失眠。Carmen表示在荒廢度假村中，燒黑檀香及衣紙招邪靈，突然四周傳出零碎的聲音，嚇到她拔足狂奔。