李克勤撐郭偉亮個唱結果《無朋友》

20140524
東網電視
更多新聞短片

歌手李克勤現身慈善電視節目與許志安同台合唱,克勤笑言與安仔相識十多年甚少同台:「喺TVB都算第一次,我哋互相做對方演唱會嘉賓就有,足球場見仲多,同台唱歌就少!」問為何合唱譚詠麟的歌?克勤說:「因為大家都係唱尼首參加歌唱比賽。(有冇安慰安仔?)咩事呀?(佢七哥走咗?)真係唔知喎!唔怪得佢心情怪怪地,唔同平時。」

身為球迷的克勤會到巴西朝聖,他說:「決賽時會去,會同太太、爸爸同岳父去。(TVB出錢?)唔係,我再澄清一次,我係自己畀錢去。(譚詠麟爆TVB請你一家去?)佢就可能係,我就自己畀錢,佢哋好似會同志偉去玩先,我就最尾先去,等下次真係TVB請先去。(幾時出發?)我喺香港睇埋準決賽先去!」

度期出席張耀榮紀念Show

而為了出席郭偉亮(Eric Kwok)的演唱會,他改了貴價機票趕返港:「仲要轉成三次機!好彩佢(Eric Kwok)都寫番首歌畀我,首歌叫《無朋友》最近拍完MV,請咗好多朋友嚟拍!(有冇老婆份?)冇,都話左係朋友!(8月底有張耀榮紀念Show,會唔會去?)同阿倫一齊度緊期,因為佢其中一日喺深圳有Show,依家度緊期改去第二日,去到就一定去!」