細女波士頓升學　王敏德擔心發生校園槍擊

王敏德出席慈善活動，他透露剛由美國參加完細女王麗嘉的中學畢業典禮返港，他說﹕「我好攰，尋晚瞓唔着，凌晨三點去咗公園做運動，只係瞓咗十五分鐘。」他表示在畢業典禮上，他與太太也感動到喊﹕「見到囡囡着住畢業袍，個儀式好感人，校長喺台上逐一畀評語每位學生，佢話我個女好畀心機，性格好突出又友善。囡囡畢業後會去波士頓嘅Suffolk University讀書，佢未決定主修咩科，有可能係室內設計。（美國經常發生校園槍擊案，你擔唔擔心？）一定擔心，每個小朋友都會有唔開心嘅問題，但你唔知邊個會開槍。（有冇教佢點保護自己？）好難講，要睇情況。上年波士頓都發生咗大爆炸，所以應該唔會咁快又再發生啩！美國係多咗呢啲問題。（搵個男友保護佢？）呢個都好，要搵個大隻又聰明。（幫囡囡擋子彈？）咁仲衰。（囡囡有冇拍拖？）應該有，我之前見過個男仔一次。」