離巢楊思琦拋胸玩波袋盡六位數

藝人楊思琦（思琦妹）今日到觀塘出席世界盃商場活動。同場的模特兒均比堅尼上陣，唯獨思琦妹着運動bra top谷少少胸當交功課。思琦妹就表示今日活動已經是產後最性感的一次：「呢個係健康嘅性感，因為世界盃係健康，老少咸宜，成個family都啱睇。（三點式？）呢度唔係沙灘嘛！」問商場有否要求穿三點式？思琦妹就坦白主辦單位知道她生完不久，只要健康性感就可以。

至於做活動袋幾多落袋？思琦妹就大叫好滿意：「有六位數字呀！好開心有呢個價錢！」她亦表示離開無綫後都是自己接job：「依家其實有好幾間經理人公司聯絡緊我，但我都想考慮吓或者再合作吓，畀多啲時間了解多啲先。」而她更透露自己成為內地美甲連鎖店代言人：「都幾可觀o架！（幾可觀？）都有六位數o架！」她亦指六月中會北上到其中一間分店宣傳。至於拍攝工作，思琦妹亦透露九月會到內地拍戲，與梁小龍和邵音音合作。