車車童真未泯　舞台劇演16歲小女孩

藝人車車（張紫櫻）入行多年，但做慣足球評述員的她，本月中旬首次演出舞台劇，角色更是一個年僅16歲的女孩，可謂演技大挑戰。日前她與同劇的區嘉雯、謝月美等話劇界前輩齊齊排戲，演出經驗尚淺的她邊做邊學，獲導演余振球讚有天份，車車說：「其實我畢業後第一份工就係喺劇團做行政工作，我鍾意話劇，但嗰時冇機會嘗試，呢次《8美猜兇》係我人生第一次舞台演出，仲要做個16歲女仔，咁啱個女仔性格古靈精怪似足我，以我呢把年紀演起上嚟都唔太大問題嘅！」

余導演解釋大膽安排車車演繹16歲女孩的原因，他說：「呢行好難有人好似佢咁，年齡改變，但心智冇乜變，佢仍然係我十年前認識嗰個車車，呢個16歲女仔角色非佢莫屬！佢喺劇團工作加埋咁多年喺呢行，吸埋吸埋好多功力，自己都唔知，未用過亦唔識點用出嚟，做呢個劇佢開始叫知道啲，佢聰明，有舞台sense（觸覺），不過有時會懶醒，但都肯聽我講收番啲！」