舒淇推定情貓畀爾冬陞拍戲

台灣女星舒淇一向係貓癡，除咗愛貓貓之外，佢對狗狗都好有愛心，之前就喺社交網站分享過呼籲取消大陸「荔枝狗肉節」嘅訊息。近日，呢個令養狗人士恨之入骨嘅「荔枝狗肉節」，有望取消啦！

有內地律師喺微博分享「荔枝狗肉節」有望取消嘅喜訊，Tag（標註）咗女神舒淇同導演爾冬陞。爾冬陞聞訊大喜，仲邀請舒淇拍動物主題的電影：「女神，我們拍部有狗狗貓貓的戲吧！」點知舒淇即提議畀緋聞男友馮德倫送畀佢嘅定情貓May May Boy做主角：「可以讓maymayboy當主角嗎？」爾冬陞就回應話要試鏡先：「要casting，你不用！」