林盛斌慶祝女兒生日晒幸福照

藝人林盛斌（阿Bob）家有嬌妻同兩位寶貝女，仲有一位未出世嘅囡囡喺老婆個肚入面！有女萬事足嘅佢就全家齊齊慶祝大女霏霏六歲生日，仲喺微博為囡囡送上生日祝福：「霏霏六歲嘞，生日快樂！不過妹妹好似仲興奮過家姐！」好友蔡一智都祝霏霏：「生日快樂呀！祝你快高長大！」有網友就笑言好彩兩位千金同媽咪一樣都係「面尖尖」，似阿Bob嘅「Pizza面」就唔多好啦！