藝人劉丹今日偕同妻子，以及楊冪父母在下午一點十分到港安醫院探望楊冪母女。劉丹夫婦在醫院逗留了約兩個半鐘並於下午三點四十五分拿着紙袋離開。劉丹在訪問中表示剛才有抱過孫女「小糯米」，更指她好贅手：「好在以前抱BB嘅手勢都未曾忘記！」問孫女似誰？劉丹就笑說：「親家話似佢個姑姑多啲，話女就初頭似姑姑，大吓大吓就似阿爸阿媽。」

問劉丹有否準備東西讓新抱產後進補？他就指陪月員有準備湯水：「一早起身喺廚房搞好多嘢，佢哋有經驗。」他又指楊冪身體狀況好fit，飲食亦好正常，好好胃口，仲餵「小糯米」食人奶。問新抱有否修身大計？劉丹就坦言不能操之過急：「要逐步逐步嚟，依家啱啱開完刀想話箍個身都唔可以箍得咁緊。」至於會否擺滿月酒和發BB相，劉丹就指要等孫女父母自己安排，但剛才抱孫女時都不停為她影相。

問劉丹有否留意早前槍擊案的槍手李德仁的女兒是彭順小三李悅彤（Liddy）？他就指今日有看報紙：「係咪真係證實咗係，我都唔知，我睇報紙都話唔肯定喎，唔知喇真係。」