徐偉棟想搣甩徐少強之子之名

演員徐偉棟以動作演員之名進入演藝圈，由於他是著名武打演員徐少強的兒子，所以他亦承認外界一定會拿他和爸爸比較：「比較一定有，但我唔會畀太大壓力自己。爸爸以古裝為主，我係新派動作演員。雖然行內人因為我爸爸係大俠，所以叫我做少俠，但我想人哋認識我係徐偉棟，唔係徐少強個仔。」

除了幕前演出外，徐偉棟又表示正向幕後發展，學習做導演：「因為自己鍾意拍嘢，開頭零認識，但我都有睇好多戲，慢慢自己都有拍啲短片，從中都可以幫到我做演員。」徐偉棟直言對自己的作品仍未滿意，不過若果可以開拍一套戲，他希望可以將過去經歷改編成一套電影，當中會加入飛車、爆破場面。

徐偉棟妹妹徐頴堃都進入娛樂圈，問到他會否想和妹妹合作？他說：「佢有讀過演藝課程，我睇過佢做戲，佢發揮得好過我，舞台上放鬆啲，我都想搵佢拍嘢，但唔想試驗時期搵佢做砲灰。」