周啟生生日願望係同尹光合作

20140610
東網電視
更多新聞短片
周啟生早前剛度過53歲生日。

歌手周啟生6月1日53歲生日,當天他撇下一對子女和太太出外二人世界慶祝,他表示:「嗰日梗係同太太出街食飯撐枱腳慶祝啦,囝囝同囡囡暫交由親戚照顧住先啦。」另外,又收到一個有他肖像的巨型糕,令他笑不攏嘴。

問周啟生有何生日願望?他就話:「世界和平,大家開開心心。」不過他又呻為早前一篇報道感不滿,斥該雜誌譁眾取寵,他激氣謂:「有雜誌影咗我一張行街相,竟然話我係凸腩,搞錯呀,邊有53歲仲可以好似我咁身材咁fit,我每日做四個鐘頭運動架。」周啟生又話另一生日願望是可以和尹光合作,因為尹光正是他的偶像,日前更在活動上巧遇對方即來個開心合照。