黃宇詩賣Bra　自嘲細咪咪唔肯露

黃宇詩在上環出席自家品牌「me Me & ME」開業活動，宣布曾志偉成為品牌股東，指他早幾年已認為賣bra有得做，並透露對方投資了6位數，兩人合共投資7位數，又坦言開舖頭一個月每月均有6位數收入，前後投資幾十萬的她盼一年內回本。短短四個月內裝修、搵貨一腳踢的黃宇詩，自嘲「細咪咪」不會自己做代言人：「我又冇胸，係細咪咪一族，係都搵其他靚女做啦，見到後生女先會鍾意，Casual啲先啱我性格。」

江欣燕當姪女係自己女

同場嘅江欣燕提到剛誕女的胞妹江希文生活如何時，她說：「好快樂，正常婦人以湊女為樂，多謝大家關心，佢冇乜特別，見到佢兩個快樂就ok，自從佢有咗小朋友，我都好有愛心，但我唔會生，會當佢個女自己生咁錫。」江欣燕又指妹妹沒有為家事而不開心，並謂：「佢人好loving，我冇過問，我覺得佢幾賢良淑德，係好好嘅媽媽，（同奶奶關係麻麻？）唔知呀，唔係啩，我識佢咁多年都唔係攻心計嘅人。」