樂易玲怒炒Coffee：監製都未聽過佢個名

無綫高層樂易玲在灣仔出席晚宴，受訪時被追問女藝員林芊妤（Coffee）與男友在殘廁纏綿30分鐘，對此她表示公司同事已聯絡對方，她指Coffee今晚會返港，並會明天在公司約見。問到會否炒Coffee魷魚？樂小姐說：「同公司商量過，都同法律部有共識，聽日見佢會講清楚，就如之前我所講，藝人操守同品德好重要，今次情況都幾嚴重，我哋都有咁（炒佢）嘅打算，但聽日會畀佢解釋。」

至於Coffee有否致電公司道歉，樂小姐怒氣沖沖地說：「佢冇打電話返公司，係同事睇新聞話佢唔喺香港先call佢，公司全職合約藝員離開香港就一定要通知公司，但佢一而再，再而三漠視公司合約精神，係唔可以破壞個人或公司形象。（如果終止合約就永不錄用？）如果終止合約就真係終止，但如果佢經濟有困難，公司都會考慮畀恩恤金佢，但合約照終止。」

有傳Coffee姣冧《衝上雲霄II》監製陳維冠，更激怒陳太向樂小姐投訴，樂小姐笑言從未聽過此事，又謂通常選角由PA負責，估計陳維冠連對方名都未聽過。