劉嘉玲與梁朝偉呼朋喚友齊開飯

圈中人脈甚廣的劉嘉玲，向來喜歡呼朋喚友同樂，最近忙為於英皇娛樂主辦舞台劇《杜老誌》排練的她，仍不時抽空食好嘢，不久前嘉玲和生意拍檔鄧永鏘妹妹鄧霓儀一同幫襯上環著名潮州打冷店，深知老公梁朝偉亦是此店粉絲，當晚嘉玲已經識做地買埋外賣讓老公分甘同味，怎知兩公婆食過翻尋味，相隔數天後他們便又再結伴登門幫襯，始終即製即食才夠原汗原味。

悉心打扮的劉嘉玲當晚和老公梁朝偉一同由司機接載到上址開餐，同行還有數名男女友人，席上各人言談甚歡，好客的嘉玲不時主動代老公招呼客人，食至晚上約十一時，眾人齊齊步出，期間嘉玲細心地照顧一名女友人，安排對方登上座駕，與她一同坐於後座，心情甚好的她發現記者更立即笑晒揮手打招呼，至於尾隨的偉仔明顯狀甚疲憊，只見他揮別友人後徑直行到座駕前座，坐在司機位旁，即使看見記者，偉仔亦只望一望鏡未有多加理會，反而後座的嘉玲在汽車起動後仍然熱情地繼續揮手道別，兩公婆一冷一熱，剛好可以互補長短。