寫真戰:33歲黃榕C褲Vs19歲冬甩半裸

20140628
東網電視
更多新聞短片
33歲黃榕C褲瞓身大戰19歲冬甩Elise半裸搭毛巾。
書展下月中開鑼!亦是一眾o靚模出寫真博上位之時。今年有不少新舊臉孔參戰,大致可分為「元老組」黃榕及仙樂都,「中生代」蕊蕊及劉俐,以及「嫩口組」冬甩、School Girl和李蘊同門Leona K.等。眾女各出奇謀鬥性感、鬥噱頭,一眾「球迷」睇世界盃之餘亦不愁寂寞!
觀塘上空晒身材
33歲熟女黃榕已第四年出寫真,今年以跳舞及藝術主題做包裝,最激一輯相片依然令人睇到眼凸!她在廿幾樓的鋼管舞場落地玻璃前剝清光對住觀塘鬧市,上身靠角度遷就避過走光,下身只穿絲襪及襪帶,敏感部位則以C字褲遮掩,噴血程度爆燈。問到會否擔心被途人睇蝕?她說:「下面有游泳池同差館,嗰陣真係有人,但佢哋應該冇望上面,我係咁催攝影師影快啲。至於C字褲係第一次着,好似冇着咁,事前做晒清理功夫,感覺幾尷尬!」
黃榕的寫真暫被列為「I」級刊物,即讀者沒有年齡限制,她開心地說:「係有全裸相,但好有藝術感覺,完全唔低俗,好贊成呢個決定!」
Elke寸對手年紀大
而另一邊廂,o靚模組合冬甩Sell青春,主將陳芷敏(Elke)、陶嘉瑩(Elise)、鄭安娜(Biona)及金慧君(KamKam)趁世界盃熱玩撕波衫誘惑,當中19歲Elise最拼搏,原本上圍32B的她繼續發育至32C,她只靠一條足球毛巾遮兩點,挑戰個人性感極限。
Elise笑言拍拖四年的男友冇呷醋,但原來是先斬後奏:「佢好開通!不過佢事前唔知我影呢輯相,應該冇事。」雖然Elise靠性感搶盡隊友「峰」頭,但她們槍頭一致對外,寸爆對手年紀大:「佢哋年齡平均大我成10年以上!佢哋應該早多10年出寫真啦!」