Kolor眾人分享各種操肌心得

樂隊Kolor最近封了張家輝為偶像，下定決心要四人一齊操肌！四子表示：「其實由《化骨龍》開始已經係偶像，操肌係自我挑戰嘅一種，最重要係堅持同忍耐。」成員Michael又話：「操肌要識得用啲科學啲嘅方法，坊間有好多錯誤嘅減肥理論好似唔食嘢、狂做Sit up等等，反而會令人停滯不前。」

講到操肌心得，Michael話要識得減脂，多做大肌肉，好似胸肌、大腿肌都相當重要，再堅持三個月就會有明顯的進展。而主音Sammy就話：「唔可以淨係掛住做肌肉，要配合埋飲食平衡發展，咁唔單止身型，個人都會健康好多。」而成員羅賓就講到最重要一點：「要一大班朋友一齊做，先可以互相激勵，唔會做做吓放棄！」