郭晉安冧爆收仔仔自製「銀紙」

藝人郭晉安（安仔）早前在無綫電視城拍攝新劇《老表，你好Hea！》。而拍完此劇的他就表示不捨得：「我仲同監製講可唔可以唔好咁快完。」訪問期間安仔就滴了眼藥水，他就指想望落精靈一點：「其實是廠裏面冷氣大，好乾，要滋潤吓。」

問父親節如何慶祝？他就指仔仔當日早上就叫醒他齊齊食早餐：「佢之前喺學校整咗啲蛋糕，佢就送咗畀我，細細個嗰啲。」問有否其他禮物？安仔就指仔仔都送了父親節卡，又笑說內裏更有驚喜：「零零舍舍喺裏面整咗啲五顏六色嘅紙，寫住一百、二百、五百。問佢係咩嚟，佢就話係錢。佢嘅意思係我成日做嘢，做嘢係為咗搵錢，想我搵多啲錢。跟住我問佢第日做嘢會唔會將啲錢畀我，佢就話會。」