呂良偉特訓阿仔入娛樂圈：迫佢減肥

呂良偉與太太楊小娟現身時裝表演支持兒子呂善揚行騷，小娟表示兒子幾歲時曾經行過騷：「佢有表演慾，我問過佢係咪想入行，佢反問我得唔得，我話得，但要減肥。」兒子正學習泰拳減肥，個多月已瘦了十磅，現時體重一百一十磅：「佢好享受食飯，早、午、晚三餐都要食飯，我想佢健康，所以迫佢減肥。」

兒子有愛心怕打傷人

而呂良偉則大爆兒子喜歡拍戲，喜歡吊威也，每日在家練習揸槍手勢：「我都想父子檔演出，我同佢講如果想拍戲就要能文能武，所以畀佢學功夫。（怕唔怕佢跟同學打交？）佢唔會，佢好有愛心，知道自己好大力，會傷到人，有時啲同學撞到佢，佢都唔會郁手，佢話算啦，怕打傷人。」

宣揚和平放棄睇波

同場還有著名法國足球隊巴黎聖日耳門一眾球星，問可會到場觀看該隊對傑志的比賽？熱愛足球的呂良偉慨嘆當日不在港：「我要飛去澳洲做嘢，去推廣世界和平祈禱大會，我覺得啲人唔尊重生命，連民航機都可以擊落。」