莊思敏心郁郁想剃光頭

藝人莊思敏（Jacquelin）以bra top及短裙大晒纖腰及長腿，為髮型騷擔任評判。曾為髮型騷擔任模特兒的Jacquelin自爆心郁想變「髮」：「我成日染髮，想試染粉藍色同白色！但我染得太多次紅髮同紫髮，所以漂唔到咁淺色。」

問到經常以短髮示人的她會否較難識男仔？她自爆因短髮而被男仔拒絕：「有個男仔朋友話要我留番長髮，先肯同我出去食飯。（好恨同對方食飯？）唔係，不過聽到覺得hurt。（留長髮？）除非遇到好鍾意嘅人，不過仲未遇到。」

自嘲冇異性緣的她又笑稱有意為拍戲剃光頭：「我剪短髮4年，拍親戲都愈剪愈短，諗過終極剃光頭，跟住就留番長髮！（嚇走男仔？）戴假髮囉，不過依家異性緣都近乎零！」