台中炒車:家樂受傷彭于晏竇驍感難過

20140804
東網電視
更多新聞短片
一眾同戲演員知道陳家樂受傷,都感到難過。`

英皇藝人陳家樂在台灣拍攝英皇電影《破風》時,發生意外受傷,需要入院接受手術。同戲韓國藝人崔始源表示陳家樂是第一日拍攝,對於他發生意外或到好傷心和擔心,暫時未知他的情況。他指意外發生時自己亦現場,但踩單車時在他的前面,突然聽到大聲的「嘭」一聲!

而內地演員竇驍指拍攝時大家的單車都好貼,聽到「嘭」一聲後,後面的單車都撞向自己,轉頭一望已見到陳家樂跌落地上,心入面很不好受,未幾便有救護車到場。竇驍表示稍後會到醫院探望對方。

導演林超賢透露拍攝時有約二百多人一起踩單車,他表示:「之前訓練少有咁大堆人,仲要好多都係台灣單車代表隊,平均速度60-70km。家樂當時打咗個空翻,傷到頭及肩膀,鎖骨斷咗,好彩有戴頭盔,後面單車都截得切。」他估計陳家樂最少8至10星期才會復原,但未有想過找其他人代替。

台灣藝人彭于晏則表示意外發生時不在現場,對於事件感到非常難過。他表示對方習訓時相當認真,但車速快確實會有危險,事件令自己都會有陰影。

陳家樂同行助手表示因拍攝時單車爆呔才發生意外,陳家樂傷了膊頭至大腿的位置,初時以為皮外傷,但對方不停叫痛以為佢甩骹,經過照X光後先知係左邊鎖骨折斷。她表示公司原本打算安排他返港做手術,但因台中航班沒有商務客位所以唔方便,若搭高鐵去台北,打止痛針只可以維持半小時,所以最後都決定留在台中做手術,估計休息5至7日才可出院。她表示陳家樂手術後會有疤痕,和需要鑲鐵片。