丁樂鍶轟經理人不負責任

20140815
東網電視
更多新聞短片
丁樂鍶斥責前經理人不負責任,令她只能靠底薪維生。

前港視藝人丁樂鍶(丁丁)日前到私人會所試踢新興活動Bubble Football,展現動人的運動美態。但動人的背後,卻埋藏着很大的怨氣,令丁丁自從過檔港視後每天百無聊賴,原拜經理人所賜:「佢哋真係好唔負責任!」。
自從過檔港視後,丁丁一直只靠底薪維生,少有接到公司以外的工作:「經理人同我講:『人哋唔肯用你』,但後尾我竟然自己收到客戶電話親自邀請。」哭訴認為經理人特意不推薦她成為主要離開的原因。但提到一件事,丁丁立即忍不住淚水:「有次經理人帶我去剪頭髮,突然間有個醫務所嘅招牌砸到我個頭,當時我重流晒血,但經理人同我講:『唔想搞大件事』,有帶我去醫院,仲去左同屋企人食飯......我覺得好似冇人理咁,發生事都係自己一個,好唔開心。」

冰封三尺非一日之寒,丁丁表示對「某些同事」非常失望,而且很後悔,哭謂錯信經理人:「應承咗嘅嘢佢哋冇做到,而且覺得佢哋真係好唔負責任!」之前丁丁直頭係自我封閉,日日留喺屋企,惟靠朋友和家人支持捱出另一片天:「嚟緊會做美容產品代言人,仲會同無綫節目《搵個好男人》嘅Sunny拍廣告。」希望回復自由身後可以另覓出路,重獲新生。