五月天極速找數淋冰水 胡杏兒拉姊妹落水

20140820
東網電視
更多新聞短片
五月天畀周杰倫挑機,但好快地已經找數了,而胡杏兒就一邊抱住好驚嘅心態一邊又想支持,最終都係照頭淋冰水。

由美國興起的慈善活動「冰桶挑戰」,熱潮已經由歐美登陸到亞洲,有不少中港韓台藝人都紛紛響應活動,為慈善出力。台灣天團五月天就畀天王周杰倫挑機,未夠十二個鐘五月天已經極速找數上載淋冰水片段,五月天派出三位成員做代表,分別係冠佑、瑪莎同埋石頭,而阿信同怪獸就化身為成公仔支持。淋冰水嘅過程中冠佑好似淋得比較差,所以唔少網友都叫冠佑淋多次。而三人又分別點名謝金燕、金城武同導演張震加入淋冰行列。

而無綫花旦胡杏兒亦都喺社交網站上載淋冰片,杏兒淋冰水之餘仲表示會捐錢支持,真係充滿善心,一邊驚一邊淋冰水嘅杏兒完成挑戰後,仲得戚地舉V。呢項咁有意義嘅挑戰,杏兒又點會放過一班好姊妹,所以佢就點名胡定欣、姚子羚、黃智雯、胡蓓蔚,仲有「幫凶」楊潮凱,大家都係咪好期待佢哋嘅挑戰呢?