20年前開始操肌 郭富城視健身為一生使命

20140824
東網電視
更多新聞短片
郭富城多年來都保持住健美的身型。

身型弗到爆的郭富城連續12年成為健身中心的代言人,城城說:「作為一個藝人,努力保持最好狀態示人,基本係本身嘅份內事,但成為健身中心代言人後,就好似有一份無形嘅推動力,驅使自己唔可以有半分鬆懈,更要時刻去持久健身,唔可以辜負品牌對我嘅信任。」

健身要持之以恆

城城為品牌拍攝新一輯概念廣告相,城城認為保持健康型格體態,不會是一朝一夕的事,而是要持之以恆,保持均衡飲食和樂觀的心態,才會有最好的健身成效。城城說:「我對自己要求好高,所以對於強身健體,我打從20年前已經開始,亦都冇鬆懈過,亦都會堅持落去,健身係我一生嘅使命,亦係一種自我要求嘅樂趣。」

捕捉自信嘅性感

今次廣告由攝影大師夏永康操刀,主力帶出城城健康的膚色、健碩的體態及時尚的型格,夏永康說:「城城真係健身中心嘅王者氣派代言人,今次拍攝城城赤膊上陣,健康嘅膚色、完美嘅線條同堅定嘅眼神,拍咗好短時間,已經有咗目標照片,最開心係捕捉到佢嗰份嚟自自信嘅性感。」城城為了今次廣告,早前特地吃得清淡些和加長鍛鍊的時間,已經有最佳狀態進行拍攝。