鄧萃雯努力發放正能量：多啲讚

鄧萃雯（雯女）任「我讚大使」於老人院出席活動，她表示希望社會多點正能量：「用心做嘅我哋應該多啲讚賞，咁大家先有動力。例如好似阿媽咁，有時我哋會當咗老馮，會遺忘咗讚賞。」

雯女坦言觀眾的讚賞亦是她努力的源動力：「觀眾嘅讚賞好重要，有時攞唔到獎嗰陣，會有觀眾同我講『唔緊要㗎！我好鍾意睇你做戲。』咁會即刻好開心。」問到是否比獲獎更重要時？她笑言：「兩樣嘢嚟嘅。」

近日剛於內地拍完新劇的雯女，被問到會否返無綫拍劇時則說：「睇機會啦，其實主要都係睇劇本，依家唔想咁辛苦啦，想有返正常人瞓覺時間。」問到無綫有沒有人給劇本她看時？她說：「冇呀，最後都係《M Club》啦。」她坦言近日工作舒服：「依家喺內地拍劇，每日最多十二至十四個鐘。」問是否豬龍入水？她說：「錢就當然多啲啦！不過人生唔係淨係為錢嘅，健康都好重要，要有精神，狀態好先可以拍得好得到大家嘅讚㗎嘛！」