揀錯歌？　關菊英唱《講不出聲》有應景嫌疑

關菊英（菊姐）在張耀榮紀念騷上獻唱劇集《溏心風暴》主題曲《講不出聲》，菊姐說：「大會有提議我唱呢首歌，自己都覺得適合，呢首近期啲同耀榮叔好鍾意睇劇集，相信劇集歌佢應該好鍾意。」由於撞正耀榮叔兩房人爭家產，菊姐即道歉說：「冇諗到咁樣，對唔住呀，我純粹唱歌，對唔住。（好似有少少應景？）係咩？完全冇諗到呢樣嘢，Sorry，今日大家係紀念張生，大家心情都係想做好演出送畀張生。」問到會否覺得耀榮娛樂被清盤感可惜？菊姐說：「唔作評論，唔好意思。」