亞視藝人好有錢！張家瑩開兩間餐廳！

前亞姐冠軍張家瑩（Grace）出席鐘錶展活動，谷胸大騷事業線，成為全場焦點，Grace表示純粹是為了尊重場合：「我朋友係活動嘅高層，之前有問佢要點着，佢話型型哋就可以，所以今日就着咗豹紋，有花心思去襯，最近比較忙所以少見朋友，所以悉心打扮。」

問到最近的工作計劃？Grace透露主力打理飲食生意：「自己開咗兩間餐廳，分別喺日本同泰國，8月13號開張，一路運作緊，開頭要花心機啲。（係咪不獲亞視續約？）唔係，我自己都好奇怪有咁嘅新聞，唔會唔續約，因為我係亞姐嚟，我知好多藝員同事要傾好耐，自己仲有合約，所以明年再講。（聽聞係亞視主動提出？）我返去公司，同佢哋講冇食個Lunch啫，但佢哋覆番我，話冇咁嘅事發生，我話我記性唔好，唔記得啦！」