重8.888磅珍寶蟹籽出籠!呂慧儀讚好意頭

20140908
東網電視
更多新聞短片
雖然蟹籽仲好細個,但佢個嘴仔,同爹哋真係一模一樣o架,好cute呀!

恭喜哂!呂慧儀佗B多個月,終於生咗蟹籽喇!

今晚八點左右,呂慧儀喺微博報喜,兼且上載囝囝嘅瞇眼靚仔相,好cute cute吖!而升呢媽咪嘅呂慧儀,就貫徹趣怪風格,扮囝囝向各位網友say hello,並透露蟹籽重8.888磅,如果佢無講笑,蟹籽都好重磅吓,呂慧儀留言謂:「哈囉!我是珍寶蟹籽,出世重8.888磅,很好意頭哩!不過辛苦媽媽了,已經臥床休息大半個月,現在才精神一點可以幫我拍些照片。」

呂慧儀更模仿囝囝,祝網民中秋節快樂:「雖然我手長腳長撐得媽媽很痛,媽媽也元氣大傷,但看我現在健健康康,媽媽就很滿足了!媽媽休息的時間,我先跟爸爸去賞月,祝大家中秋節快樂,人月兩團圓。」