胡桐語苦練廣東話進軍香港市場

「翻版林心如」胡桐語（Iris）來自馬來西亞，在當地電視台參加歌唱比賽而被星探發現而入行，在一次澳門的影展上擔任表演嘉賓時，被同場的曾志偉賞識，她說：「佢有叫我加油，如果唔係佢，我依家都唔會喺香港，係我嘅恩人，希望有機會喺香港發展，透過歌聲去感謝你想感謝嘅人，呢個好重要。」

有意在港及日本發展的她正積極苦練廣東話及日文，她說：「吉隆坡講嘅廣東話同香港啲音唔一樣，我嚟咗香港之後，好多字都唔明，所以有請教同事。」除了自小已睇香港劇集外，Iris原來最愛聽王菲的歌：「因為哥哥好鍾意聽王菲啲歌，聽聽吓我就鍾意咗，我比賽時有揀過《給自己的情書》嚟唱，王菲有一種獨特唱腔，唱得好有feel，我當然要學嘢啦。」

首次來港的她欣賞了維港夜景，又品嘗了夢寐以求的地道點心，她說：「去咗Sky100睇夜景，覺得好靚，同傳說中一樣。同埋我好鍾意食嘢，食咗香港點心，之前睇戲見到桂花糕，開頭唔知乜嚟，因為馬來西亞冇桂花，依家終於都試到，簡直一流！」