許晉乾離世　李嘉欣感突然：全家都好傷痛

大美人李嘉欣（Michele）出席時裝品牌活動，對於今早許家的訃聞，她表示已妥善處理丈夫許晉亨（Julian）胞兄許晉乾的身後事：「所有事都處理好啦。（心情如何？）全屋企人好傷痛，要一步步走出嚟，因為件事幾突然。（點安慰先生？）我自己都有親家姐，依家呢個係佢親哥哥，好手足，我真係唔知點安慰佢，但都接受咗，依家要團結個家庭先啱。」

對於許晉乾先生的離世病因，Michele表示不便透露：「之前情況一直幾好架，真係好突然。（你哋相處關係？）由我同先生拍拖到依家關係都好Close，經常見面。（其實係咩病？）唔想講啦，因為你哋都知Julian為人低調，我又冇咩資格講。」