天堂鳥掛住打機冇時間溝女？

組合天堂鳥到九龍灣出席手機遊戲活動，三子表示自己十分喜歡玩此手機足球遊戲，隊長Gordon指：「我哋都有玩開依隻Game，覺得好好玩，可能因為我哋本身都有踢波嘅關係。」

他們更笑稱隊友Lincoln是宅男：「佢喺宅男，喺公司日日夜夜拎住部電話打機。」Lincoln就反擊指只是其他成員玩得太差，要向他教路。

問到他們只顧打機，會否沒時間追女仔，他們就指要專心工作：「唔打機都會冇時間，工作行先，做新人都係得一兩年時間，要爭取畀人認識嘅機會。」將會推出新EP，他們透露會有四首歌不會跳舞：「想畀大家知道我哋唔止跳舞，仲識唱歌。（驚唔驚又畀人話MV騎呢？）唔驚，我哋會落苦功，做番好佢。」