網友催生單刀直入：黃智賢幾時生番個？

電視男藝員黃智賢（BEN）效力無綫多年，近年終憑藉一啲MAN爆角色殺出血路為人認識，喺電視電影演慣警察或黑社會大佬嘅阿BEN，私底下原來都有溫情一面，尋晚阿BEN就去咗醫院探望啱啱出世嘅姪仔並將合照上載微博，有網友留言大讚阿BEN對住BB一臉慈父相，盡顯鐵漢柔情，更有人直接問佢幾時同BEN嫂生番個，睇來阿BEN事業有起色之餘，都係時候要開始認真諗諗呢個問題。