水着戰　梁靖琪幾日唔食嘢keep fit撼後生女

梁靖琪（Toby）為新劇《潮拜武當》到沙灘進行拍攝，穿上一件頭斑馬紋高衩泳衣的她，未埋位時以大毛巾遮掩身體，頓時被同場一眾穿三點式的女演員比下去。雖然Toby穿的已是一件頭泳衣，但她表現依然尷尬，她受訪時表示，拍攝前一晚已為泳衣大費周章，在家中搜索私伙泳衣之餘，更逐一穿上兼拍給服裝同事過目，儼如時裝騷般，最終成功篩剩四件。

望上圍縮水？

為了以最弗狀態示人，Toby更自爆近日沒有進食，只靠排毒飲料「維生」：「其實不嬲都有做運動，瑜伽、gym、泰拳同太極。（其他女演員比妳性感呢？）佢哋好靚，咁嘅年紀啱架啦，我未過到自己嗰關，本身又粗魯，一陣都盡量檢點啲。（上圍咁澎湃，有冇諗過縮胸着泳衣？）雖然瘦咗但都仲喺度，我都想細啲！」

打戲連場

Toby又透露戲中要色誘張頴康，將於對方面前展示媚態，對此她笑謂：「對住塊鏡練都頂唔順自己！」下月中，劇組將到武當拍攝大半個月，屆時Toby更要應付大量打戲，不過她笑指幸好自己有運動底子，故相信體力上沒問題。

對於有指好友周家蔚有意向無綫解約，Toby表示不知情，並指她們平日不會談公事：「相信佢做咗媽咪想放多啲時間畀個仔，因為miss咗一日過程會唔開心，只要佢開心，作為姊妹一定撐。（有傳佢有第二胎？）係就好嘞！我會多個契仔或者契女玩，最近家姐又有咗，第三個都係仔，爸爸同姐夫有少少失望，不過家姐話之後唔生啦。（咁生女希望落喺你度？）我就順其自然啦！」