榮升拿督斯里　羅霖：對社會有更大責任

「美魔女」羅霖與名媛鄭明明晚上在尖沙咀出席《國際太太總決賽》，齊齊獲頒「亞洲十大傑出女性」及賜封拿督斯里。羅霖大讚明明姐是其目標，又說：「拿督斯里係好高榮譽，要對社會好有貢獻先攞到架！咁攞咗獎就有更大責任喇！最近我哋做善事衝出咗東南亞，嚟緊會幫助非洲兒童。」不過她表示暫不會到非洲探訪。明明姐則開心稱：「好榮幸，我本身係印尼華僑，攞咗獎責任更加大。」

羅霖又分享做媽媽的心得：「要做嘢又要照顧三個小朋友係辛苦啲，要保持正面心態囉，要識得面對壓力。」早前表示會到英國陪兒子打點入學的她，自爆明日即出發：「聽日過英國陪囝囝喇！呢個月喺香港都幫佢買咗好多嘢，每樣嘢都唔可以忽視。」問到可擔心兒子一人在外？她說：「唔擔心，身為媽媽要有勇氣。依家啲小朋友無我哋嗰代咁獨立，希望佢獨立到。」