鄺芷凡鄧凱旻關希敏齊齊搣甩公主病

20140926
東網電視
更多新聞短片
「三位港女」經過幾個月「非人特訓」,三女表示已戒甩公主病成長不少。
有線真人騷節目《十萬蚊港女大翻身》已進行一段時間,十多位港女為夢想接受連串膽識及體力挑戰,經過多輪淘汰賽,18歲國際旅遊小姐Omi(鄺芷凡)、曾寸爆老師英文差而紅爆網絡的Ruby(鄧凱旻),以及舞蹈狂熱少女Michelle(關希敏)仍有得留低作賽。
三女日前身穿泳衣到石澳進行拍攝,提到過去幾集曾飛越山崖、水澗划艇、洗廁所,更要到韶關行泥沼、食蟲及捉田雞,她們均表示經歷終身難忘,Omi說:「我死穴係青蛙,嗰日要我去捉田雞真係驚到喊,現場又黑仲有棺材,成個氣氛好恐怖,我覺得其他女仔好勇敢!」戰鬥力十足的Michelle為勝出不惜大大啖食蟲,勇敢程度令人睇到眼凸,她說:「我本身連內臟都唔食,但見到隊友唔郁,於是我一次過食晒佢!原來我咁大膽!」
經過幾個月「非人特訓」,三女表示已戒甩公主病成長不少,Omi說:「開頭都唔認係港女,但發現自己真係有公主病,好多嘢嫌三嫌四,有怨言,依家進步咗吃得苦。」本身燥底的Ruby自認脾氣大,但現在已耐性大增。Michelle則笑說:「我以前會叫人幫我拎袋,又要搭車唔鍾意行,但參加個節目冇得咁,所以都戒咗。」提到十萬元冠軍獎金,三人雖已結成好友,但一樣冇情講,齊聲笑言會盡力搶錢。