大陸捧獎笑 章子怡爆王家衛拍3D片

20140928
東網電視
更多新聞短片
王家衛同章子怡齊齊捧獎,笑到見牙唔見眼,可喜可賀。

尋晚《第23屆金雞百花電影節暨第32屆大眾電影百花獎》喺內地甘肅蘭州舉行,當中國際女星章子怡和導演王家衛雙雙憑電影《一代宗師》獲獎,事後二人拎住獎盃,笑到見牙唔見眼咁一齊合照。之後章子怡將合照上載微博,仲大爆導演想開拍《一代宗師》3D版本:「一代宗師續寫著(着)一個又一個傳奇,這不,導演說,我們在3D世界見。你沒聽錯,只是有點擔心,這3D版觀眾能不能受得住宮二的一掌?」

不過王家衛用咗差唔多十年時間去拍呢套《一代宗師》,咁如果再要加埋3D嘅效果,咁唔知今次又要用幾耐時間去拍呢?不過就算要等到天長地久,粉絲們嘅愛依舊不變,真係好期待大導演嘅下一套作品。