「木偶妹」譚嘉儀喜獲御賜金咪

在《超級巨聲3》勇奪季軍的譚嘉儀入行後不斷增值，又做主持又學舞！惟她始終最愛作曲作詞兼唱番兩嘴，更對哥哥的「御賜金咪」珍而重之，錄低靚聲贈歌迷！

自從2011年參加歌唱比賽《超級巨聲3》奪得季軍後，譚嘉儀正式踏入演藝圈及成為林欣彤師妹，不斷為音樂夢打拚！就連她在無綫處境劇《愛‧回家》飾演的「木偶妹」一角，亦十足其現實生活寫照：「活在自己的音樂世界，希望以歌曲感動別人。」

「獎」管回憶

畢竟樂壇競爭激烈，要上位實非易事！故譚嘉儀亦擔任主持、教唱歌、學跳舞自我增值，望成為多棲藝人。然而她開口埋口始終離不開最愛的音樂，自小已充滿音樂細胞，七歲開始作曲作詞，為公仔創作兒歌，十歲自學鋼琴，長大後亦「從一而終」在大學選讀音樂系。原來其兄亦是音樂人，薰陶她之餘更「賜」她一支靚聲咪，希望妹妹唱到變小巨肺！譚嘉儀亦多得哥哥出手相助，令其錄歌器材生色不少：「個咪係我上載唱歌片去網上平台嘅良伴，冇咗佢唔得！其實係哥哥嘅，佢都有夾Band， 佢見我用電腦錄音好唔Pro，睇唔過眼就畀個咪我用，加上佢會畀吓專業意見幫我！」

譚嘉儀亦有不少珍藏品包括記錄童年樂事的公仔及近年肯定其音樂造詣和盛載奮鬥回憶的獎座。